焐

焐(wu)，辣上海闲话里个意思是保温。比如饭烧好了，离吃饭辰光还有一歇，就会拿饭放到“饭窝”里保温，讲作“拿饭镬放到饭窝里焐好”。焐又被引申为“藏”、“躲”，上海人拿躲辣屋里不出去讲作“焐勒屋里”，比如最近天老热个，勿想出门，就可以讲“天忒热了，我情愿焐勒屋里孵空调”。

煠

煠(音近上海话里大闸蟹个“闸”)，拿东西放到滚起来个水里煮，叫“煠一煠”；拿鸡蛋放辣水里烧熟，叫“白煠蛋”；水里煮个虾，叫“白煠虾”，拿毛豆芋艿放水里煮，叫“煠毛豆”，“煠芋艿”。

炀

炀(yang)，形容火很大，一般讲作“火老炀个”。炀有“旺”个意思，引申解释为“手气顺”，比如讲“我今朝手气真炀，连赢三潽麻将”。与“炀”意思相反个是“火尾”(mei，音近枚)，表示火老小了，马上就要烧光了。正宗上海人讲“吸烟”，是讲“mei支香烟。”或者“香烟meimei”