上海老百姓早浪常吃个一种物事，叫“粢饭”，拿糯米蒸熟，就变成了有一定粘度个粢饭。再拿粢饭捏成团，中间夹一根油条，或者再放眼白糖，就做成了“粢饭团”，拿垃手里吃邪气方便。拿糯米做成长方形块状，放辣油里氽，就做成了外黄内白个“粢饭糕”，也是老好吃个早饭。

　　

上海人辣开放社会当中形成了交关海派奇思妙想，创造出了交关多个好白相词汇。就连“粢饭糕”也有了新个意思。

　　

1、白骨精：一种是瘦得过分个女人；还有一种是“白领，骨干，精英”个合称。

　　

2、蛋白质：笨蛋、白痴、神经质个统称

　　

3、粢饭糕：又痴又烦又搞个人

　　

4、本草纲目：形容这个人又笨又吵又戆又木

　　

5、洋山芋：上海闲话当中个“洋山芋”就是“土豆”，搭“土头”同音。形容人个“土气”。

　　

6、关公：考试勿及格叫“关特”，打不及格分数的老师，男教师叫“关公”，女教师为“关婆”

　　

7、月光：“月月挣，月月光”的缩略语，属于吃光用光，身体健康一类人。

　　

8、吃老公：用公家钞票。

　　

9、百得胶：哪能也甩不掉个人。

　　

要是碰着某样事体勿顺利，或者受气，挫折后，自嘲不如去死。过去讲“买块豆腐撞杀”，现在叫“买跟线粉吊杀”。还有交关其他讲法。“用面条上吊，用豆腐敲头，用维生素E做毒药，用碰碰车撞山，用降落伞跳崖”，侪勿是真心想死，是一种幽默个自嘲。

　　

其实，老上海闲话里也是有搿种奇思妙想个传统。比如叫某人“王伯伯”，是嘲讽“健忘者”，源自“王”与“忘”谐音。讨厌人话多，讲伊烦得像“饭泡粥”，勿欢喜对方胡搅蛮缠，就讲“侬来搅啥个百叶结！”