“石库门”曾经是上海老普遍，老典型个住宅形式，几乎百分之七十以上个老上海人侪住过石库门房子。

个么，为啥搿种房子叫石库门呢？

　　

讲起上海个房子，老早是以木结构为主个。但是，搿种房子容易被火烧，后首来，就出现了砖木结构个房子。这种房子参考了江南个“三合院”，里向有天井、客堂、厢房、灶间，而外立面用了西洋风格搭图案，是一种中西合璧个住宅形式。侬仔细看会发现，建筑个正大门是用条石围起来个，搿能介样子放火防盗更加好了。

　　

上海人拿“用一样物事紧束牢另外一样物事”讲做“箍”，比如：头箍、马桶箍。所以搿种房子，又被称作“石箍门”，箍可以读gu，也可以读ku，所以后首来又写成了“石库门”。