上海滩浪，各种商品琳琅满目，货色多得让人叫勿出名头，或者勿晓得哪能用。所以要辣搿样一个社会当中优质个生活，第一要素是要“识货”，撒个是“垃圾货”，撒个是“蹩脚货”、“大兴货”、“A货”、“水货”、“落脚货”、“厾脱货”，必须会从“好货”、“正卡”中鉴别开来。

据说，老外常常看勿懂阿拉，伊拉讲，中国人老结棍额，收入只有阿拉个十分之一，房子车子也比阿拉贵，但是伊拉个购买力超级强，穿起世界名牌一眼也勿少。

欢喜品牌服饰的上海人，大概对搿样几条上海马路老有感情个。比如，老早个华亭路、襄阳南路。搿些地段侪是流行服饰个前沿，也是各种名牌个聚集地。

华亭路服饰市场：上世纪的“上海小香港”

1984年9月，上海第一个个体服装市场辣华亭路诞生。

华亭路市场曾被称为“上海小香港”，出售个侪是香港外贸货或仿制个新潮服装。买来个服装，全上海讲不定也只有一件。埃个辰光，“华亭路个服装样子就是漂亮”个说法传遍了上海滩。

上世纪八九十年代流行的“喇叭裤”、“阿美裤”、“高子衫”、“文化衫”、“工装裤”，起源地就辣华亭路。

襄阳路服饰礼品市场：老外个上海购物一条街

2000年5月，华亭路市场关脱，原来个400多个店主就集体搬到了襄阳路服饰市场。虽然襄阳路市场以“假货”多而出名，但视觉高头个品味一眼也勿差。连外国人来了侪欢喜问，襄阳路哪能走？

襄阳路市场个名气，是源于上海人特有个精明：既要过高档化，前沿化个生活，又要求降低享用这种生活个门槛，用有限个财富去获得最高限度个生活品味。上海人就是搿能介注重成本最低化搭效用最大化。

后首来，襄阳路市场也关脱了，但我还是邪气怀念“人轧人”，兜到“眼花绿花”个“老里八早”。