听众朋友们，大家好。

之前一段时间，有听众帮我提意见了，讲我个上海话有几个发音勿标准。比如讲，普通话里“我”，我一直发成“wu”，实际上应该读“ngo”。非常感谢大家指出错误，我会得尽量去改。

但是也请大家谅解。尽管从小就讲上海话，但是从来没人教过我，也没人帮我讲过搿发音阿里的有问题，有点习惯成自然了。

不过，勿管哪能讲，我觉着阿拉上海人，不管侬个上海话有多少洋泾浜，至少作为一个年轻人，更加要好好叫拿上海话讲下去。否则，阿拉这辈人勿讲，接下去更加呒没人讲了，侬讲是伐？

讲起不标准个上海话。前两天我碰到一桩蛮有劲个事体。

我有个亲戚，平常做生意个。但是，伊拉这辈人从小讲上海话，普通话是一塌糊涂。一天，伊帮伊个经销商打电话，经销商是个外地人，个末我亲戚只好讲普通话了。

伊讲了：“给我进10箱麦子”

我心里想：也？阿拉阿姨介勿放心吃个东西，自己去种地了啊？

个么她又讲了：对，我要的都是纱麦！

啊？哪能麦子噶快就变成烧卖了啊？我就问阿拉亲戚了：侬哪能开始卖烧卖了啊？

“啥烧卖啦，我讲纱袜呀，卖袜子呀！”

喔唷，袜子翻成麦子，纱袜翻成烧卖，这普通话帮上海话结合了邪气好……

对了，有网友问我，啥道理每次我辣侬好上海个开场侪是“听众朋友们，大家好”，但是从来勿自我介绍下。

个么，大家看到我个名字，普通话是“豪小编”，用上海话哪能讲？侬试试看，侬觉着我每趟侪要介绍下，是不是有点刮三？