侬是勿是对千篇一律个新年祝福短信疲脱了？今朝，小侬就送拨大家一眼勿一样个，上海话版的祝福短信～

快给自己的家人朋友发上一条特别又搞笑的新年短信，祝福他们平平安安、快快乐乐哦！

　

NO.001

天气预报:㑚屋里厢，从今朝夜到头到明朝，白天仔落人民币局部有金条，中浪向倾盆美元转欧元，并有零星支票，气象部门提醒侬戴好头盔拿起麻袋准备发财，新年提钱快乐！

NO.002

为答谢朋友们一直以来对本人额支持，特地辣海新年来临之际举行大派送活动，凡是辣垃本人心目当中有一定地位额朋友侪将提前获得价值一角洋钿额短信一条，祝新年快乐！

NO.003

恭喜恭喜新年到，

弄堂里向老热闹。

阿大阿二氽花生，

老三老四摊蛋饺。

初一早浪吃春卷，

小八腊子穿新袄，

看见长辈问声好，

拿仔交关红包包。

NO.004

等勿及了，我决定代全国人民提前祝侬搭屋里厢人新年快乐!身体健康!侬后头几天收到个短信侪是我安排伊拉发个，我做人低调来西额，侬晓得就来塞了，勿要哇啦哇啦!

NO.005

祝愿侬：赚钞票像孙悟空，财富连牢仔翻跟斗；过日脚像如来佛，好运逃勿脱手底心。

NO.006

老天爷是只三只手，又要偷脱一年。我问伊：为啥勿连侬一道偷脱?伊摇摇头讲：搿个朋友辣海侬心中分量太重，我搬不动!

NO.007

距离勿是问题，高矮阿没关系，美丑勿是关键。不管侬躲到啥地方，我侪会搭赖老侬缠老侬。我个名字叫幸福，绰号是平安。

NO.008

圆台面，搭起来，

靠背椅子摆一圈；

鱼肉虾蟹样样有，

时令蔬菜只只赞，

金黄蛋饺是元宝，

澄亮线粉银丝连，

豆芽清炒叫“如意”，

年年有“鱼”讨口彩；

绍兴花雕烫得热，

当中放只八宝饭；

老祖宗，举起杯，

儿子女儿忙搛菜，

噼里啪啦炮仗响，

合家团圆年夜饭！

NO.009

新年好，新年好，

新年好事木佬佬。

阿囡吃饭勿用擙，

挨着枕头就困觉。

NO.010　

兄弟我祝侬辣辣新个一年里向：美格里人民币铺出铺进，卖相身材弹眼落睛，日脚过得越来越扎劲！

NO.011

祝愿侬：脑筋转得快，眼光看得远，嘴巴吃得香，心胸放得开，肩胛扛得起，脚步豁得开，事体摆得平，烦恼掼得脱。

NO.012

马年到，新年好，小八腊子哈哈笑。穿新衣，戴新帽，弄堂里向放鞭炮。大年初一忙拜年，红包拿了勿勿少。看灯展，逛庙会，还要白相城隍庙。初四夜里接财神，炮仗响了一通宵。正月十五闹元宵，乃末春节算过好。马年健康顶重要，恭喜恭喜大家好。

NO.013

过年要有上海味道，做事要有上海腔调；生活要有上海精巧；常年要有上海微笑，闲话要有上海声调。

NO.014

摇啊摇，外白渡桥就要到。看一看，外滩风景交关好。笑一笑，东方明珠好拍照。望一望，金茂大厦老老高。淘一淘，上海到处侪是宝。马年到，跳一跳，祝大家芝麻开花节节高，微信高头多冒泡！

NO.015

我问过烦恼了，它根本勿欢喜侬，还讲永远勿要睬侬。伊叫我转告叫侬勿要自作多情了！还有，健康让我带封情书拨侬：它暗恋侬常有了，而且一生不变！祝侬新年快乐！ 

NO.016

今朝礼拜一，外头落大雪，今朝礼拜两，出去买炮仗，今朝礼拜三，要拿檐尘掸，今朝礼拜四，老爹和腊子，今朝礼拜五，烧条元宝鱼，今朝礼拜六，一道看节目，今朝礼拜天，大家来拜年！

N0.017

我跟侬刚侬勿要告伊刚因为伊告我刚勿要告侬刚，现在我告侬讲侬勿要告伊讲我有告侬刚过，伊问侬我有勿有讲，侬告伊刚我没讲：新年快乐！(最后一条适合发给你又爱又恨的人，饶死TA!哈哈～)