上海人讲话很喜欢说“勿要忒x哦！”外地人听起来就像是一句否定句，但是它却是一句肯定句，到底怎么用？一起来学习下吧！

（以下内容，可以用上海话读哦，看看叫侬来赛伐？）

一位外地客到一家鸡粥店去买三黄鸡。

“老板，买只三黄鸡，要大的。”

老板连忙从镬子里向拎出一只又白又嫩个鸡来。

“老爷叔，侬看迭只鸡哪能？”

老爷叔个眼睛盯牢仔鸡看了看。

“真个，勿要忒大哦!”老板娘又跟辣海讲。

“怎么不要太大？我就是要大的嘛！”

“是啊，迭只真个勿要忒大哦！”

“……”

“勿要忒大哦！”“勿要忒多哦！”“勿要忒漂亮哦！”“勿要忒好哦！”“勿要忒坏哦！”“勿要忒……哦！”……。迭种讲法，来辣外地人听起来就像是一句否定句，哪能一歇歇就变成了肯定句了呢？

听上海人讲闲话，有辰光真会觉得拎勿清。

“勿要忒X哦！”迭种句式来拉上海流行还勿过四十来年横里，老底仔是呒没迭种讲法个。开头是来拉小青年当中讲讲，后首来大家觉着蛮噱头、有眼海派味道，才慢慢叫传开来了。

其中“勿要”【要讲成veyao】两个字，其实是“莫不要”、“莫不是”、“莫非”（否定之否定）个省略式，有“无比”、“非常”个意思。“勿要忒大哦！”也就是“莫非太大啰？”（引申为“真是太大了！”）。

辣古汉语中，“莫”和“莫不”、“莫非”有辰光互相通用。譬如《诗经》里向有：“凡今之人，莫如兄弟”一句闲话，意思是讲：“现在的人，莫不是如兄弟那般亲热呢！”

康有为反对科举制度，不过伊来拉一份奏折里向谈到有关问题个辰光也讲：“任官先试，我莫先焉，美国行之，实师于我”。意思是讲：“选任官吏之前先举行考试，这在我国莫不先行，美国所实行的，实在是从我国学去的”。

“勿要忒大哦！”就是“真是太大了！”上海闲话个语法就是有搿能怪法仔。可惜来拉方言词典里向还寻勿到迭种例句。