本周【侬好剧场】又给大家带来了一个新的小故事，倒霉的老克勒又被耍了~~

弄堂里有个老克勒，欢喜到隔壁看邻居张木匠斗地主，张木匠牌打得臭，输了铜钿还要怪老克勒是霉兆星。

张木匠：“老克勒，侬邪气没劲，除脱吃饭、睏觉、点钞票，连得斗地主也不会。”

老克勒：“侬只阿缺西，介好副地主牌拨侬白相得这幅腔调势，还好意思怪我？”

张木匠：“阿拉大户欢喜拨农民发点米，侬不懂勿要放野火哦，下趟个间房间侬勿要来了。”

老克勒：“侬只小刁模子辣手个，侬帮我等辣海，勿要怪我拆台脚哦。”

老克勒气得来五斤吼六斤，豪燥跑到屋里向打电话拨联防队，想拿隔壁冲特伊……

老克勒：“队长，就是搿的，门口就好听到里向打牌个声音啦，还打得老扎劲哦。”

队长：“算伊拉触霉头，等些我冲进去，拿伊拉统统捉到提篮桥吃生活。”

万万没想到，队长带人冲了进去，发觉台子浪放了一只录音机，勒海放斗地主个声音 ，房间里一个人也没有。

队长：“侬只老棺材不识相，敢开我大兴？骨头痒了，想吃生活了对伐？ ”

老克勒：“今朝，真的是呆呆叫碰到呆呆叫，搿记我真个走远唻...”