清明时节，有许多老上海人会在门外或者窗上插柳，但你知道为什么要插柳吗？小编来给你涨知识！

一起来听听小编们倾情演绎的爆笑插柳传说：

春秋个辰光，晋太子上了伊兄弟个老当，没办法只好从屋里厢逃出去。万万没想到，身浪向金条没带够，穷得来跟瘪三一样。

晋太子：“介子推啊，我肚皮饿死脱类，老想吃竹笋烤肉个，帮我去路浪向搞眼过来？”

介子推：“太子，阿拉没铜钱买肉，做贼骨头是要拨吃生活个”

晋太子：“小戆大，搿勿叫偷，叫借，等我发达了会给伊拉马克马克金条个。”

介子推没办法，呆呆叫从大腿浪割下一块肉，笃了一碗肉汤拨太子。

介子推：“快眼趁热吃，是栗子肉笃汤。”

晋太子：“嗯，这个味道赞得唻没闲话讲了。”

后来，晋太子做了晋国一把手，晓得了栗子肉其实是介子推的大腿肉，眼泪水淌淌滴，豪燥奔到柳树林里向寻伊报恩。

晋太子：“喂~侬迭只戆棺材，勿要躲深山老林了，我现在发达类，出来跟我过好日脚类。”

啥人晓得，介子囥辣勿要忒好哦，晋太子寻了半百六十天也没寻到。

晋太子：“侬勿要让我退招势哦，再不死出来，我就放火烧咯。”

呆呆叫碰到呆呆叫，晋太子手浪向一滑，一把火真的把这片老柳树林烧脱了，介子推就搿能一脚去了。

晋太子心里殟色得不得了，所以后来每到清明伊就垃海柳树浪向折下一枝，插垃宫门口上，老百姓看到了侪学样。