到‘麦德龙’去吃炸鸡腿告冰淇淋?
5岁个小姑娘宁宁搭阿奶从外头回来,垃拉小区门口碰到了邻居陈阿姨。
陈阿姨问伊拉:“宁宁,跟阿奶到啥地方去过啦?”
阿奶讲:“带伊到大卖场兜了一圈,后首来到‘麦德龙’去吃炸鸡腿告冰淇淋……”
宁宁小嘴巴一翘,讲:“啥个‘麦德龙’?是‘麦当劳’!闲话也讲勿来。”阿奶搭陈阿姨笑了。
宁宁告诉陈阿姨:“我跟阿奶来来去去乘个侪是大卖场个‘兔费’班车。”
陈阿姨一呆:“‘土匪’班车?”搿个辰光,正好又有一辆大卖场班车经过,陈阿姨看到车子身浪向个大字,屏勿牢笑了:“伊个字勿是‘兔’,比小兔子个‘兔’字 少脱一点,读‘免’,是免费班车哦。”宁宁面孔红了,阿奶跟陈阿姨又侪笑了。陈阿姨讲:“好了好了,侬跟阿奶一人讲错一趟,搨鐾(扯平)。”
增值电信业务经营许可证(ICP):沪B2-20110022号 | 互联网新闻信息服务许可证:3112009001 | 信息网络传播视听节目许可证:0909381
广播电视节目制作经营许可证:(沪)字第536号 | 新民晚报官方网站 xinmin.cn ©2013 All rights reserved.