【侬好剧场】声音：yoyo 豪小编

　　女: 我已经到静安寺了，侬辣海啥地方啦？

　　男: 马上就到了~~~

　　女: 如果侬到了，我还呒没到，侬先等辣海哦。如果我到了，侬还么到，侬就帮我等了该。

　　>>

　　男：来啦，今天想吃啥？

　　女：随便。

　　男：阿拉去吃火锅好伐？

　　女：勿来赛，吃火锅面孔要发痘痘个……

　　男：吃海鲜？

　　女：勿来赛，要肚皮射个

　　男：搿侬讲想吃啥?

　　女：随便呀

　　男：搿末，先勿吃饭了，阿拉看电影起，交关辰光呒没看电影了。

　　女：电影有啥好看个啦，浪费辰光。

　　男：搿末去打羽毛球, 运动运动。

　　女: 现在天介热，打好球浑身腻支疙瘩~~

　　男：吃咖啡好伐啦？

　　女：吃咖啡夜到睏勿着……

　　>>

　　男：侬搿也勿好，伊额也勿好，索性回去算了。

　　女：随便。

　　男：坐公交车, 我送侬。

　　女：公车又龌蹉又挤……

　　男：搿末拉差头?

　　女：介近个路，不格算。

　　男：搿末11路，走走回去。

　　女：肚皮还饿辣海，散啥步啦。

　　男：侬到底想做啥啦？

　　女：随便……

　　男：搿末先吃饭。

　　女：随便……

　　男：吃啥？

　　女：侪来赛……

　　男：我呒想法了。