3年前，住垃嘉善路的王阿姨女儿从朋友处“领养”来一头小香猪，伊“戆海海”个样子马上赢得了大家欢喜，就脱伊起名叫“猡猡”。

每天早晚两趟，王阿姨侪会得像遛狗一样，牵牢“猡猡”出门解决“大小便”。这头小猪猡从一开始就成为了嘉善路永嘉路附近的一道风景线。“小香猪刚领养来个辰 光只有2公斤。”当“猡猡”长到小笼子再也关勿牢个辰光，大家才晓得，原来“猡猡”并不是长不大的小香猪。搿辰光，王阿姨一家门个烦恼也来了。

王阿姨住的地方只是老房子当中的一间亭子间，面积有限，而且“猡猡”已经长到150多斤，不可能继续养辣屋里厢。“介长辰光养下来了，感情已经邪气深了。”王阿姨讲。但是，哪能妥善处置这头胖猪猡，也是不容易的。“实在不晓得往阿里的送。”

最后，辣徐汇区城管二分队协助下，天平街道终于辣海闵行郊区帮“猡猡”寻到了合适个落脚点。

听说“猡猡”现在生活垃空气清新个乡下头，逍遥自在，阿拉也就放心了。